Plantun de Prouvènço

Pèr coumpara dos planto d'encò nostre

Lunaria rediviva & Agrostis stolonifera

Desferro-miòu

Lunaria rediviva

Brassicaceae Cruciferae

Àutri noum : Erbo-de-la-routo, Desferro-mulet.

Noms en français : Lunaire vivace, Lunaire odorante.

Descripcioun :
Lou desferro-miòu es uno planto devengudo raro que trachis dins li bos fres e umido de basso mountagno. Li flour soun claro e embaumon. Se recounèis tambèn à si fueio que podon deveni esnormo e à si siliculo pu longo que li de la mounedo-dóu-Papo, mai coumuno e di flour pu acoulourido.

Usanço :
Coume pèr la mounedo-dóu-Papo, li jóuini brout soun manja en Bousnìo. Flour, fueio e fru soun tambèn manjadis mai pulèu amar (F. Couplan, op.cit. p. 316). Pamens l'acampas pas qu'es uno planto proutegido.

Port : Erbo
Taio : 40 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lunaria
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 1,5 à 3 cm
Flourido : Printèms - Estiéu

Sòu : Ca
Autour basso e auto : 200 à 1600 m
Aparado : Vo
Mai à juilet

Liò : Bos fres - Gaudre
Estànci : Mountagnard
Couroulougi : Éurosiberiano
Ref. sc. : Lunaria rediviva L., 1753

Treinasso

Agrostis stolonifera

Poaceae Graminaceae

Autre noum : Gramenet.

Noms en français : Agrostide stolonifère, Agrostide blanche.

Descripcioun :
La treinasso es uno planto coumuno renadivo que fai de fiéu (estouloun), d'aqui que vèn soun noum. La paumo (paniculo) èi d'abord duberto (5 à 15 cm de long) e pièi se sarro coume un pincèu après la flouresoun. Lis espiguet soun pichot (1,5 mm) emé uno souleto flour qu'a uno lemma sènso arèsto. La lengueto èi longo (> 2 mm). Poudès regarda peréu li nous que soun un pau roujo e li guèino di fueio qu'an un bord blanc.

Usanço :
D'après A. Matirolo (1918, Phytoalimurgia pedemontana), li tisano de racino sarien bono pèr li diabeti.

Port : grando erbo
Taio : 10 à 60(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Agrostis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido - Camin - Roubino
Estànci : Termoumediterran à Subaupen
Couroulougi : Bourealo
Ref. sc. : Agrostis stolonifera L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Lunaria rediviva & Agrostis stolonifera

ges

Coumpara Desferro-miòu emé uno autro planto

Coumpara Treinasso emé uno autro planto